قصـيده للشاعر المبدع / بدر بن عبدالمحسن



يطـيـح نـصـف اللـيـل واهــز كتـفـه
يفز شمـع ، وباقـي الليـل مطفـي
واحاكي الجـدران عـن حلـم غرفـه
ماتشبـه الجـدران ويطـول وصـفـي
وتملنـي الجـدران واظهـر لشـرفـه
تحت السماء واسكر الباب خلفـي
ليت الشـوارع تجمـع اثنيـن صدفـه
لا صـار شـبـاك المواعـيـد مجـفـي
وليت الروابي تشرب دمـوع وطفـه
ويصـب لمـع بروقهـا وسـط طرفـي
ياطـاري الغـدران ، والعمـر رشـفـه
مـع قلّهـا ، ياليتـهـا الـيـوم تصـفـي
الصبـر واجــد مـيـر الأقــدار صلـفـه
والارض واجـد لكـن الـعـزم منـفـي
الــي اعـرفــه راح مـانـيـب اعـرفــه
ولااظن يذكرني اليا اقلبـت مقفـي
ماهـو حبيبـي مـورد القلـب حتفـه
وماهو حبيبي يفرح بوقـت ضعفـي
تهـب ريـح وتسكـن العـظـم رجـفـه
وتغيب ريح وتسكـن اغصـان نزفـي
مُّــر ثـمـر هاللـيـل ، وامــر قـطـفـه
ذقتـه قبـل يلمـس لسانـي بكفـي
هــذا وتّـــو الـلـيـل مـــاراح نـصـفـه
ياليل بعض اللي مضى منك يكفي
__________________